Целта на осигурително-брокерската дејност е да се претстават потребите и барањата на клиентите (правни и физички лица) и да се понуди целосна и сеопфатна услуга во изнаоѓање најдобри решенија за потребите од осигурување на клиентите, а сето тоа со една финална цел – квалитетно осигурително покритие и најбрзо ефикасно реализирање на отштетните побарувања.

Осигурително-брокерските друштва преку своето дејствување, како претставници на клиентите и воедно како посредници меѓу осигурениците и осигурителните компании, можат да придонесат многу за развојот на самата осигурителна дејност, пред с?, преку согледување на реалните потреби на осигурениците и нивно обезбедување преку соодветните понуди на осигурителните компании.

Со донесувањето на Законот за супервизија на осигурувањето („Службен весник на Република Македонија“ бр. 27/2002), се создадоа услови за основање на осигурително-брокерски друштва како друштва за посредување во осигурувањето.

Со цел унапредувањето на работењето и решавањето на тековните проблеми, осигурително-брокерските друштва на 06.07.2011 година формираа Асоцијација на осигурително-брокерски друштва како форма на организирање и работење во рамките на Стопанската комора на Македонија. Во Асоцијацијата може да членуваат сите осигурително-брокерски друштва.

Асоцијацијата на осигурително-брокерските друштва е неминовно потребна заради усогласување на интересите во рамките на дејноста, како и потребата да учествува и да разгледува предлози на закони и други прописи, да дава мислења и предлози по прашања од заеднички интерес на членовите на Асоцијацијата и да покренува иницијативи за донесување на закони и за измена и дополнување на истите, да иницира и остварува соработка по прашања од заеднички интерес на членовите со други асоцијации и здруженија во рамките на Комората, како и да остварува меѓународна соработка.

 Асоцијацијата своите активности ги насочува кон унапредување на бизнис-климата во земјата и поттикнување на имплементацијата на европски правила и стандарди во работењето, како и други активности од дејноста се` со цел за остварување на подобри резултати и за заштита на клиентите во работењето. 

⮞ Оливера Клинчарова,  Претседател, ДЕЛТА ИНС БРОКЕР АД Скопје, Скопје

⮞ Виолета Попвасилева,  Заменик претседател, НЕЗАВИСЕН ОСИГУРИТЕЛЕН БРОКЕР (НОБ), Скопје

⮞ Елена Тодорова,  Заменик претседател, АМ Брокер, Скопје

Асоцијација на осигурително-брокерски друштва работи согласно актите на Комората и согласно Правила за организирање и начин на работа на Асоцијацијата.

Допис до Агенција за супервизија на осигурување

ЗАПИСНИК од седница на АОБД одржана на 29.11.2019 г.

Заклучок од седница на АОБД одржана на 29.11.2019 г.

ЗАПИСНИК од седница на АОБД одржана на 29.10.2019 г.