Надлежно е Министерство за образование и наука.

Цели на предлог регулативата

Исполнувањето на различните цели на високото образование служат како катализатор за личниот раст, општествениот напредок и подобрувањето на светот. Со негување на вешти, просветени и општествено одговорни дипломци, високото образование игра клучна улога во обликувањето на просперитетна и одржлива иднина на човештвото.

Високото образование се разгледува како збир на установи и правила кои ги задоволуваат потребите од работна сила на општеството, учествуваат во преносот на културата со генерации и наоѓаат решенија за општествените предизвици преку научни истражувања. Високото образование обезбедува полза каква што е општествен статус, но и економски придобивки за оние кои ја добиваат оваа услуга. Истовремено, придонесува за зголемување на општествената благосостојба со позитивните странични учиноци што ги создава.

Управувањето во високото образование, се однесува на пристапот со кој се организирани високообразовните установи, способни да делуваат внатрешно, за да овозможат целите на високото образование да му служат на јавното добро, истовремено одржувајќи ja и унапредувајќи ја довербата на јавноста во високообразовните установи. Спроведувањето на партнерски модел на управување со високото образование е неопходно за сите чинители во високото образование да бидат отчетни и одговорни.

Академската заедница треба непрекинато да го известува поширокото општество за својата работа и постигнувања. Треба да се занимава во идентификување, анализа и разбирање на проблемите со кои се соочува поширокото општество и неговите членови. Исто така,  академската заедница треба да учествува во осмислувањето решенија за овие проблеми и да обезбеди експертиза за да одговори на овие предизвици, во согласност со сопствените стандарди и вредности.

Предлог на закон за високото образование