Предлагач е Владата на Република Северна Македонија

II. ЦЕЛИ, НАЧЕЛА И ОСНОВНИ РЕШЕНИЈА Со донесување на Предлогот на закон се очекува да се подигне нивото на функционалност на активностите и процесите кои ги води или спроведува МНРиНТ, што воедно ќе придонесе за ефикасно да се спроведат задолженијата согласно ново доделените надлежности во креирањето на надворешно трговските политики кои произлегуваат од Законот за изменување и дополнување на законот за организација и работа на органите на државната управа. Измените кои се однесуваат на делот на дипломатијата и условите на именување, унапредување и отповикување на дипломатите и шефовите на ДКП-а ќе ги допрецизираат постоечките законски прописи во насока на зајакнување на капацитетите на Министерството. Една од измените кои се во таа насока, а која е земена по направени компаративни анализи со неколку земји од ЕУ и регионот се однесува на именуваните амбасадори, која треба да го подигне професионалното ниво, предвидува најмалку половина од именуваните амбасадорите да бидат од редот на професионалните дипломати од министерството. Одредбата која овозможуваше именување на лица за амбасадори надвор од министерството кои со своето општествено, културно или научно делување, оставиле трага во нашето општество и со нивниот дипломатски ангажман како амбасадори би го подигнале квалитетот на дипломатското претставување на државата во земјите на акредитација претрпува корекција, при што измените предвидуваат од оваа група да доаѓаат најмногу половина од амбасадорите кои ќе бидат именувани во иднина. Законот се заснова на следниве начела: 1. Начело на уставност и законитост, 5 2. Начело на недискриминација 3. Начело на транспарентност и доверливост 4. Начело на одговорност 5. Начело на спречување судир на интереси 6. Начело на економично користење на средства 7. Начело на професионална етика, непристрасност и објективност Законот има за цел усогласување со одредбите на Законот за изменување и дополнување на Законот за организација и работа на органите на државната управа и подобрување на тековните недоречености во постојниот Закон за надворешни работи.

Предлог на закон за изменување и дополнување на Законот за надворешни работи