Предлагач е Владата на РСМ.

I. ОЦЕНКА НА СОСТОЈБИТЕ ВО ОБЛАСТА ШТО ТРЕБА ДА СЕ УРЕДИ СО ЗАКОНОТ И ПРИЧИНИ ЗА ДОНЕСУВАЊЕ НА ЗАКОНОТ Во Република Северна Македонија статусот и работата на инвалидските организации е уредено со Законот за инвалидски организации („Службен весник на Република Македонија“ бр. 89/08, 59/12, 23/13, 150/15 и 27/16 и „Службен весник на Република Северна Македонија“ бр. 317/20). Со овој Предлог на закон се менува називот на Министерството за труд и социјална политика во Министерство за социјална политика, демографија и млади и на министерот за труд и социјална политика во министер за социјална политика, демографија и млади, согласно Законот за изменување и дополнување на Законот за организација и работа на органите на државната управа („Службен весник на Република Северна Македонија“ бр. 121/24). Се врши усогласување со Законот за изменување и дополнување на Законот за основање на Државна комисија за одлучување во управна постапка и постапка од работен однос во втор степен („Службен весник на Република Северна Македонија“ бр. 194/24). II. ЦЕЛИ, НАЧЕЛА И ОСНОВНИ РЕШЕНИЈА Предлогот на закон чие донесување се предлага, се заснова на истите начела на кои е заснован и основниот текст на Законот за инвалидски организации.

Предлог на закон за изменување на Законот за инвалидски организации