Предлагач се група пратеници.

II. ЦЕЛИ, НАЧЕЛА И ОСНОВНИ РЕШЕНИЈА Со Предлогот на закон за изменување и дополнување на Законот за технолошки индустриски развојни зони се обезбедува континуитет во работењето на Дирекцијата за технолошки индустриски развојни зони, се прецизираат постапките на условите за користење на погодностите за инвестирање во технолошките индустриски развојни зони, дејностите кои се вршат во технолошките индустриски развојни зони и посебните услови за нивно вршење, се утврдува постапката за засновање на право на службеност на градежно земјиште во рамките на зоната и постапката за потврдување на правен статус на изградени објекти и објекти во тек на градба во рамките на зоните, а кои Дирекцијата за ТИРЗ ги примила или и се пренесени согласно Законот за ТИРЗ, а се утврдува и начинот за промена на инвеститор, како продажбата и давањето под закуп на примените или пренесените објекти. Во останатиот дел од одредбите се прави измена и дополнување по однос на прецизирање на условите за раскинување на договорите за закуп и укинување на решението за започнување со работа, измена на крајниот рок на корисникот за завршување со градбата и почеток на производство во рамките на зоната, прецизирање на изворот за средствата потребни за исплата на плата, дел од платата за работната успешност, додатоци на плата и надоместоци на плата, измена во делот на членовите на управниот одбор согласно новата организација на Владата и прецизирање на надлежностите на УО во делот на државната помош согласно Статусот на ДТИРЗ и прецизирање на условите за именување на директор или заменик директор на ДТИРЗ по однос на сертификати за познавање странски јазик. Основна цел на предложениот Закон е овозможување на поефективен и правно унифициран пристап за привлекување на странски инвестиции во рамките на технолошки индустриски развојни зони, како и хармонизирање на прописите од областа на зоните 5 заради остварување на конзистентност на правниот поредок на Република Северна Македонија.

Предлог на закон за изменување и дополнување на Законот за технолошки индустриски развојни зони