Современиот маркетинг сè повеќе се потпира на комбинација од човечка креативност и искуство и технолошка поддршка. Количината на содржина која брендовите треба да ја произведуваат постојано расте, а времето и ресурсите се ограничени. AI алатките овозможуваат побрз почеток, полесно надминување на креативни блокади и подобра организација на идеите, кога се користат со јасна структура и стратегија.

Со правилен пристап, AI може да помогне во развој на различни типови содржина: од текстови за социјални мрежи, до newsletter-и, блог статии итн. Наместо унифицирана и „генеричка“ содржина, фокусот на обуката е на создавање смислена, релевантна и доследна комуникација што го задржува идентитетот и тонот на брендот. Во насока на приближување на вештачката интелигенција и нејзина интеграција во деловните процеси, Стопанската комора на Северна Македонија на 20 февруари 2026 година организира обука на тема: „AI како креативен партнер во креирањето содржина“.

Целта на обуката е  да прикаже како AI може да се користи како соработник во развојот на идеи, концепти и формати на содржина, а не како замена за човечката креативност. Преку јасен и практичен процес, учесниците ќе научат како да го насочуваат AI за да добијат поквалитетни идеи, побрза продукција и поефикасна комуникација прилагодена на различни канали и цели.

Обуката е наменета за маркетери комуникациски професионалци, претприемачи и креатори на содржина кои сакаат да ја искористат вештачката интелигенција како алатка за поддршка на креативниот процес без да ја загубат автентичноста, стилот и контролата врз пораката. Обуката може да ја следат и претставници од секторите маркетинг, комуникација и ПР, кои се на почетничко ниво во користење на AI алатки.

Обуката се реализира во компјутерска лабораторија во Стопанската комора на Северна Македонија.

• формулираат ефикасни насоки (prompts) за генерирање идеи и содржина,
• користат AI за развој и унапредување на постоечки концепти,
• адаптираат содржина за различни канали и формати (Instagram, LinkedIn, Blog и сл.),
• изградат одржлив систем за побрзо и поконзистентно креирање содржина.

I дел: Вовед - AI како креативна поддршка во комуникацијата

·        Промената во креативниот процес која ја носи AI

·        Улогата на AI во креирање содржина

·        Каде AI носи најголема вредност во креирањето содржина

·        Преглед на најпопуларни AI алатки

II дел: Методологија: Процес на подготовка на AI за креирање на содржина за вашиот бренд

·        Брифирање – цели, публика, пораки, ограничувања

·        Учење – tone of voice, brand book, постоечки креативи, правила на комуникација

·        Усогласување – запознавање со поставена стратегија и комуникација

·        Креирање – дефинирање на канали, формати, фреквенција

III дел: Практична примена: Насочување на AI алатки за креирање на содржина

·        Текстуална содржина – типови на промптови, алатки на располагање

·        Визуелна содржина – типови на промптови, алатки на располагање

·        Итерации на дадени решенија – презентација на пример во живо

·        Прилагодување на финална содржина на различни комуникациски канали

·        Изработка на практична вежба со помош на бесплатни AI алатки

·        Презентација на решенија

·        Фидбек и дискусија

- Ива Дујак Ѓурѓиќ e Доктор на науки од областа на маркетингот, со специјализација дигитален маркетинг. Основач и директор на маркетинг агенцијата MOVEMENT, маркетинг експерт со повеќе од 16 години работно искуство во развој на стратегии и кампањи за бројни интернационални и локални брендови.

За сите учесници на семинарот ќе биде обезбедено:

-        работни материјали во електронска верзија;

-        ручeк и освежување;

-        сертификат за учество на семинарот.