Дојдено е времето да се разговара за двојно поголем економски раст, но за тоа да се случи, треба и мора да се има општествен консензус за клучните прашања во државата.

За стопанството најважна е инфраструктурата, односно нормалното функционирање на бизнисите кои ја движат економијата. Затоа е потребно што побрзо завршување на започнатите проекти за изградба на патиштата и железницата, кои се крвоток на Македонија и секаде во светот. Тоа ќе значи побрз транспорт на стоки и поголем извоз во странство. Предолго се чекаше на овие проекти, за кои најавите се дека ќе има брзо заокружување. Соседите беа далеку пред нас, особено Косово, кој го реализира автопатот до македонска граница.

За државата мора приоритети да бидат зголемување на извозот, поддршка на иновациите и инвестиции во образованието, бидејќи тие се клучни за напредок на едно општество.