Во Скопје започна третата регионална конференција MicroBalkans 2026 со слоганот Lending Reimagined, посветена на иднината на кредитирањето, микрофинансирањето и новите модели на финансирање (24.09.2026).

Главни организатори на конференцијата се Стопанската комора на Северна Македонија и Асоцијацијата на небанкарски финансиски институции, во партнерство со македонскиот конзорциум на Европската мрежа на претприемништво – ЕЕНОМА и Европскиот дигитален иновациски хаб – ДИГИТМАК. Настанот е дел од активностите за подобар Пристап до финансии (Access to Finance) и дигитална трансформација наменети за МСП,(Digitalization for SME’s) со цел да се обезбеди подобро информирање за постојните можности за финансирање на пазарот.

На конференцијата присуствуваа над 200 претставници од финансискиот сектор, инвеститори, финтек компании, регулатори и деловната заедница од регионот на Западен Балкан и Европа.

Настанот го отвори Никола Јошевски, претседател на Групацијата на небанкарски финансиски институции при Стопанската комора на Северна Македонија, и порача дека главното прашање повеќе не е дали кредитирањето се менува, туку како таа промена ќе се обликува во корист на клиентите и економијата.

„Иднината на кредитирањето не е само да кредитираме повеќе, туку да кредитираме подобро – со технологија, одговорност и поголема доверба кај клиентите,“ изјави Јошевски.

„На бизнисот му требаат решенија, а не бариери. Потребен ни е поширок финансиски екосистем што ќе им даде на компаниите поголем избор, поголема флексибилност и повеќе можности,“ порача Азески.

Гувернерот на Народната банка на Република Северна Македонија, проф. д-р Трајко Славески, во своето обраќање порача дека наша заедничка задача е да создадеме финансиски систем кој ќе биде отворен за иновации, но истовремено стабилен, одговорен и насочен кон заштита на граѓаните. Само така кредитирањето може да стане вистински двигател на економскиот раст, довербата и подобриот пристап до финансии за сите.

• Финансирањето треба да стигне до оние на кои им е најпотребно.
• Технологијата треба да го направи кредитирањето побрзо, поедноставно и посигурно.
• Подобриот пристап до капитал отвора нови можности за МСП.
• Иднината е во одговорно и одржливо кредитирање што создава вредност за граѓаните и економијата.