Важен предуслов за економскиот развој на една земја е економската инфраструктура, која влијае врз деловните можности, но и врз вкупната привлечност на земјата за работа и за инвестирање. Инфраструктурните проекти ги заживуваат и градежништвото и другите придружни гранки во државата и влијаат врз зголемувањето на БДП. Токму затоа инфраструктурата и инвестициите се едни од ставовите дефинирани како клучни за кои се залага Комората а потврдени и во книгата - ДАЛИ АКО СЕ ПРИФАТЕА НЕКОИ ОД ПРЕДЛОЗИТЕ НА КОМОРАТА, МАКЕДОНИЈА ЌЕ ИЗГЛЕДАШЕ ПОИНАКУ?

Комората преку градежниот сектор се залага домашните градежни компании да бидат вклучени во изградбата на коридорите 8 и 10 под исти услови како и странските изведувачи. Само на тој начин ќе се создадат поволни услови за зголемување на конкурентноста и за фер распределба на проектите, што би довело до подобрување на економската ситуација на домашните компании и до поголем придонес на локалниот градежен сектор во овие значајни инфраструктурни проекти.

Линк до второто видео од филмот посветен на содржината во книгата – ИНВЕСТИЦИИ И ИНФРАСТРУКТУРА како еден од 10-те ставови на Комората, кои ќе бидат објавувани како серијал во периодот што следува - https://youtu.be/l8wt40Xkq7Y