Врз основа на член 8 став (1) од Законот за воведување на систем за управување со квалитетот и заедничката рамка за процена на работењето и давањето на услуги во државната служба („Службен весник на Република Македонија“ бр. 69/13 и 193/15 и „Службен весник на Република Северна Македонија“ бр. 215/21), Владата на Република Северна Македонија, на седницата, одржана на 23 април 2024 година, донесе

Со оваа одлука се формира Координативно тело за управување со системот за

управување со квалитетот и заедничката рамка за процена на работењето и давањето на услуги во државната служба (во натамошниот текст: Координативно тело).

Координативното тело се состои од претседавач и 22 члена.

Членови на координативното тело се претставници од:

1. Министерство за информатичко општество и администрација;

2. Министерство за одбрана;

3. Министерство за образование и наука;

4. Министерство за здравство;

5. Министерство за правда;

6. Министерство за надворешни работи;

7. Министерство за локална самоуправа;

8. Министерство за земјоделство, шумарство и водостопанство;

9. Министерство за животна средина и просторно планирање;

10. Министерство за политички систем и односи меѓу заедниците;

11. Министерство за труд и социјална политика;

12. Министерство за култура;

13. Министерство за транспорт и врски;

14. Министерство за внатрешни работи ;

15. Министерство за економија;

16. Министерство за финансии;

17. Генерален секретаријат на Владата на Република Северна Македонија;

18. Секретаријат за европски прашања;

19. Институт за стандардизација на Република Северна Македонија;

20. Фонд за иновации и технолошки развој во Република Северна Македонија;

21. Град Скопје и

22. Општина Ѓорче Петров.

 Во работата на Координативното тело повремено може да учествуваат и лица од други институции на јавниот сектор кои со својата стручност може да придонесат за следење на имплементацијата на воведувањето и одржувањето на стандардите и инструментите на системите за управување на квалитет од страна на државната служба.

Лицата од став (1) на овој член немаат право на глас во Координативното тело.

Координативното тело ги врши следните работи:

- координирање и следење на имплементацијата на воведувањето и одржувањето на стандардите и инструментите на системите за управување со квалитет во државната служба;

- планирање и извршување на координирани активности со цел подобрување на

квалитетот на услугите кои ги обезбедува државната служба;

- планирање и координација на активности во насока на зголемена посветеност на

државната служба за утврдување на процеси на работењето кои ќе го подобрат квалитетот на услугите кои се нудат од државната служба;

- следење на одржувањето на воведениот систем на управување со квалитет и

заедничката рамка за процена од страна на органите и

- изготвување на годишен извештај до Владата на Република Северна Македонија за напредокот на воведувањето на стандардите за управување со квалитетот и заедничката рамка за проценка за изминатата година.

Координативното тело донесува Деловник за својата работа.

Со денот на влегувањето во сила на оваа одлука престанува да важи Одлуката за

формирање на Координативно тело за управување со системот за управување со

квалитетот и заедничката рамка за процена на работењето и давањето на услуги во државната служба („Службен весник на Република Македонија“ бр. 106/13).

Оваа одлука влегува во сила наредниот ден од денот на објавувањето во „Службен весник на Република Северна Македонија“.

 

Бр. 41-969/4

23 април 2024 година

Скопје

Претседател на Владата

на Република Северна Македонија,

м-р Талат Џафери/Talat Xhaferi, с.р.