Врз основа на членот 75, ставови 1 и 2 од Уставот на Република Северна Македонија,
претседателот на Република Северна Македонија и претседателот на Собранието на
Република Северна Македонија издаваат
У К А З
ЗА ПРОГЛАСУВАЊЕ НА ЗАКОНОТ ЗА ИЗМЕНУВАЊЕ И ДОПОЛНУВАЊЕ НА
ЗАКОНОТ ЗА ПЛАТЕЖНИ УСЛУГИ И ПЛАТНИ СИСТЕМИ
Се прогласува Законот за изменување и дополнување на Законот за платежни услуги и платни системи, што Собранието на Република Северна Македонија го донесе на седницата одржана на 13 март 2024 година.
Бр. 08-1956/1
13 март 2024 година
Скопје
Претседател на Република
Северна Македонија,
Стево Пендаровски, с.р.
Претседател
на Собранието на Република
Северна Македонија,
Јован Митрески, с.р.
ЗАКОН ЗА ИЗМЕНУВАЊЕ И ДОПОЛНУВАЊЕ НА ЗАКОНОТ ЗА ПЛАТЕЖНИ
УСЛУГИ И ПЛАТНИ СИСТЕМИ
Член 1
Во Законот за платежни услуги и платни системи (*) („Службен весник на Република
Северна Македонија“ број 90/22), во член 2 став (1) точката 11. се менува и гласи:
„Водечки број“ е единствен идентификациски број на давател на платежни услуги
којшто на негово барање го доделува Народната банка на Република Северна Македонија
и го користи за конструкција на единствената идентификациска ознака на платежните
сметки на своите корисници на платежни услуги;”.
Во точката 33. зборот „онлајн“ се заменува со зборовите: „на начин којшто вклучува користење електронска платформа или уред“.
Во точката 48. Зборовите: „договорени меѓу давателите на платежни услуги, а коишто се одвоени“ се заменуваат со зборовите: „а којашто е одвоена“, а зборовите: „,коишто вклучуваат“ се заменуваат со зборовите: „којашто вклучува“.
Во точката 62. зборот „гувернерот” се заменува со зборовите: „Извршниот одбор”.
Во точката 63. во заградата зборот „shumëpalësh“ се брише.
Во точката 79. зборовите: „други парични побарувања од давателот на платежни услуги
(средства на сметки)“ се заменуваат со зборовите: „парични средства на сметки“.
Во точката 85. зборот „припеид“ се заменува со зборот „припејд“.
Точката 87. се менува и гласи:
