Надлежно е Министерство за јавна администрација.

Цели на предлог регулативата

Крајна цел на предложениот Закон за високи раководители во органите на државната управа и фондовите е да се подобри раководењето со органите на државната управа и фондовите. Како посебна цел, во контекст на ваквата крајна цел, се јавува консолидирањето и модернизирањето на правната рамка за органите на државната управа и фондовите, односно донесувањето на заеднички (минимални) правила за именувањето на високи раководители во органите на државната управа и фондовите, следењето на нивниот учинок, нивните права и обврски и нивното разрешување од функција.

Со други зборови, цел на законот е:

•            да се подобри процесот на именување на директори, членови на колегијални органи на државната управа, членови на управните одбори во органите на државната управа и фондовите, како и државни секретари во министерствата (поширока примена на системот на мерит);

•            да се подобри следењето на резултатите од работењето на овие лица;

•            да се подобри правната рамка за именување на в.д. и во крајна линија

•            да се подобри раководењето односно управувањето со органите на државната управа и фондовите.

Предлог закон за високи раководители во органите на државната управа и фондовите