Врз основа на член 65 став (2) од Законот за минерални суровини („Службен весник на Репубика Македонија“ бр. 136/12, 25/13, 93/13, 44/14, 160/14, 129/15, 192/15, 39/16, 53/16, 120/16, 189/16 и 7/19), министерот за економија, донесе

ПРАВИЛНИК
ЗА НАЧИНОТ НА ДОСТАВУВАЊЕ И СОДРЖИНАТА НА ПРЕСМЕТКАТА НА ЕКСПЛОАТИРАНИТЕ КОЛИЧИНИ НА МИНЕРАЛНИ СУРОВИНИ ВО ТЕКОВНАТА ГОДИНА

Член 1

Со овој правилник се пропишува начинот на доставување и содржината на пресметката на експлоатираните количини на минерални суровини во тековната година.

Член 2

Пресметката на експлоатираните количини на минерални суровини во тековната година се доставува на евиденциски лист во А4 формат во хартиена и електронска форма.
Пресметката од став 1 од овој член содржи:
1) Вкупни резерви на минерални суровини по категории дадени во ревидираниот Елаборат од извршените детални геолошки истражувања;
2) Состојба со резервите на минерални суровини на крајот од претходната година;
3) Вкупно експлоатирани резерви на минерални суровини во тековната година (m3 и во t) од кои посебно за раскривка (јаловина), корисна минерална суровина и продадена минерална суровина и
4) Хемиски состав - средногодишен квалитет на минералните суровини предмет на експлоатација.

Член 3

Овој правилник влегува во сила наредниот ден од денот на објавувањето во „Службен весник на Република Северна Македонија“.

Бр. 24-1020/1    
25 февруари 2022 година                                                                                          Министер за економија,
Скопје                                                                                                                           Kreshnik Bekteshi, с.р.