Предлагач е Владата на РСМ.

I. ОЦЕНА НА СОСТОЈБИТЕ ВО ОБЛАСТА ШТО ТРЕБА ДА СЕ УРЕДИ СО ЗАКОНОТ И ПРИЧИНИ ЗА ДОНЕСУВАЊЕ НА ЗАКОНОТ Во Република Северна Македонија социјалната сигурност за старите лица како област е уредена со Законот за социјална сигурност за старите лица („Службен весник на Република Северна Македонија“ бр. 104/19). Со овој Предлог на закон се менува називот на министерот за социјална политика, демографија и млади, согласно Законот за изменување и дополнување на Законот за организација и работа на органите на државната управа („Службен весник на Република Северна Македонија“ бр. 121/24). Воедно, се врши усогласување на називот на Државната комисија за одлучување во управна постапка, постапка од работен однос и инспекциски надзор во втор степен, согласно Законот за изменување и дополнување на Законот за основање на Државна комисија за одлучување во управна постапка и постапка од работен однос во втор степен („Службен весник на Република Северна Македонија“ бр. 194/24). Наведените причини ја наметнаа потребата од донесување на овој закон. II. ЦЕЛИ, НАЧЕЛА И ОСНОВНИ РЕШЕНИЈА НА ПРЕДЛОГОТ НА ЗАКОН Законот чие донесување се предлага, се заснова на истите начела на кои е заснован и основниот текст на Законот за социјална сигурност за старите лица.

Предлог на закон за изменување на Законот за социјална сигурност за старите лица