Почитувани,

Стопанската комора на Северна Македонија и Трговското одделение при  австриската Амбасада во Скопје, на заедничка иницијатива, организираат Македонско-австриски бизнис-форум и ве покануваат да учествувате.

Основната цел на иницијативата за Бизнис-форумот е да се поттикне заедничката соработка меѓу реномираните австриски компании и македонските државни институции од областа на патната, железничката и на енергетската инфраструктура.

Со цел продлабочување на економската соработка меѓу Република Северна Македонија и Република Австрија, на Форумот свое обраќање ќе имаат претставници од државните институции, министри од секторите за енергетика и транспорт, кои ќе ги презентираат актуелните и идни проекти од патната, железничката и од енергетската инфраструктура.

Презентацијата и деловните средби ќе се одржат на 16 септември 2026 година (среда), со почеток во 9:00 часот, во Стопанската комора на Северна Македонија,  сала 4 на 5. кат.

Сите заинтересирани учесници своето присуство може да го потврдат со пополнување на пријавниот лист најдоцна до 10.09.2026 година.

Контакт-лице: Даниел Матракоски, тел: 3244-043, електронска адреса: daniel@mchamber.mk