Стопанската комора на Северна Македонија, во соработка со Коморскиот инвестициски форум (КИФ) во рамките на проектот „Поддршка на приватниот сектор за регионална интеграција“, кој се спроведува во партнерство со Агенцијата за меѓународен развој на САД (УСАИД), ве поканува да учествувате на претстојната еднодневна бесплатна

Обука за користење на новоизработената алатка наменета за добивање детални информации при имлементација на сертификатот за сообразност – ознака CЕ.

Ознаката CE претставува гаранција дека производот е произведен во согласност со сите суштински барања од директивите на Европската Унија што важат за него и дека е извршена оцена на сообразноста за да се докаже усогласеноста со суштинските барања. Ознаката CE на производот покажува дека е тој во согласност со сите суштински барања од сите директиви на ЕУ што се применуваат за тој производ.

Целта на обука е да ги подготви компаниите за користење на алатката која ќе ги води низ процесот на утврдување дали нивните производи ги исполнуваат регулативите на ЕУ, заштедувајќи им време и ресурси за обезбедување на потребните сертификати.

 Наталија Јовичич Жарич - Director Management Systems Consulting at Simplify Consulting

Бесплатната обуката ќе се реализира на 11 декември 2024 година (среда) во просториите на Стопанската комора на Северна Македонија, сала 4 на петти кат.