Еднодневен семинар на тема:

НАЧИНОТ ЗА ВРШЕЊЕ ПОПИС НА СРЕДСТВАТА И ОБВРСКИТЕ И
УСОГЛАСУВАЊЕ НА СМЕТКОВОДСТВЕНАТА СО ФАКТИЧКАТА СОСТОЈБА УТВРДЕНА СО ПОПИСОТ НИЗ ПРИЗМА НА ДАНОЧНАТА РЕГУЛАТИВА И МЕЃУНАРОДНИ СМЕТКОВОДСТВЕНИ СТАНДАРДИ
-  Правилник за попис -

 19.12.2017 година  (вторник)
10:00-15:00 часот
Стопанска комора на Македонија, сала 1 на 5-ти кат

        Стопанската комора на Македонија на 19 декември 2017 година организира еднодневен семинар на тема: „НАЧИНОТ ЗА ВРШЕЊЕ ПОПИС НА СРЕДСТВАТА И ОБВРСКИТЕ И УСОГЛАСУВАЊЕ НА СМЕТКОВОДСТВЕНАТА СО ФАКТИЧКАТА СОСТОЈБА УТВРДЕНА СО ПОПИСОТ НИЗ ПРИЗМА НА ДАНОЧНАТА РЕГУЛАТИВА“ - Правилник за попис.

        Целта на семинарот е стекнување на практични и теоретски знаења за правилната примена на регулативата која го уредува пописот како значаен дел од аспект на билансните позиции и даночната регулатива. Нецелосно или формално спроведен попис доведува најзначаните билансни позиции да се погрешни и неосновано искажани, што од друга страна се рефлектира на реално и објективно искажување на податоците во финансиските извештаи кое пак има влијание на преценување или потценување на добивката, односно загубата од што може да произлезат одредени санкции како прекршочни, така и кривични.

        На сите учесници ќе им се овозможи правилно да се едуцираат и да ги применуваат законските одредби пред се` за законски исправна сметководствена документација како веродостоен доказ за економската активност и регулативата за извршување попис со што ризикот ќе го сведат на минимум за изречување глоби при инспекциски надзори и трпење на прекршочни/кривични санкции.
Обврската за извршување попис ќе биде објаснета и согласно Законот за трговски друштва, одговорностите, презентација во судски постапки, како  и казнените одредби.
На семинарот ќе бидат образложени сите можни сценарија односно практични примери за сметководствената евиденција на разликите од пописот согласно даночната регулатива, и презентирани урнеци за интерните акти кои се задолжителна документација во процесот на отпочнување, текот и завршување на пописот.

ПРВ ДЕЛ
● Веродостојноста на економските активности и доказната сила на трговските книги, односно сметководствената документација низ призма на даночната регулатива во РМ и Законот за даночна постапка;
● Обврска за водење сметководтсво, трговски книги, попис и усогласување на состојбите, чување на сметководствените документи, презентација во судски постапки, одговорност и казнени одредби согласно Законот за трговски друштва;
● Пописот низ призма на меѓународни сметководствени стандарди МСФИ за    МСЕ и рамката МСФИ;
● Сметководствените политики - вреднување на средствата и обврските;
● Формално прифатената одговорност на вработените со потпишување на   договорот за вработување други интерни акти на ниво на работодавач.

ВТОР ДЕЛ
● Попис на средствата и обврските како законска обврска и неопходна      потреба при искажување на податоци во билансите и финансиските     извештаи:
   - Законска регулатива за трговски друштва, буџетски корисници и      непрофитни организации;
   - Влијание на искажаните податоци во финансиските извештаи;
   -  Подготвителни активности за извршување попис;
   - Што вклучува пописот на средствата и обврските?

ТРЕТ  ДЕЛ
● Интерен акт за начинот на попис согласно специфичностите на дејноста:
   - Формирање комисија за попис
   - Датум на отпочнување со пописот, времетраење и рок за доставување на извештајот за извршениот попис;
   - Обврски на комисијата за попис и план за работа.

ЧЕТВРТ ДЕЛ
● Пописни листи;
● Усогласување на фактичката со сметководствената состојба;
● Извештај за извршен попис;
● Практични примери и интерни акти задолжителни при спроведување на   попис.

Предавачи:

- адвокат Александар Геровски од Скопје, со 7-годишно работно искуство, од кои 4 години како приправник - стручен соработник во адвокатска канцеларија и 3 години како самостоен адвокат. Примарна дејност во досегашното практицирање на правото се проблематиките од областа на трговското право, трудовото право, работните и облигационите односи;

- м-р Симонида Георгиевска, косопственик и раководител на Секторот за финансиски и сметководствени работи во Друштвото за даночен консалтинг „Каунт“ ДООЕЛ - Скопје, со 16-годишно работно искуство во областа на даночниот менаџмент, сметководството и деловното планирање. Магистар од областа на сметководството на тема: „Хармонизација на финансиското известување во Република Македонија базирано на МСФИ и МСФИ за МСЕ“;

- м-р Билјана Патлиџанковска, раководител на Секторот за организациски работи во Друштвото за даночен консалтинг „Каунт“ ДООЕЛ - Скопје со 10-годишно работно искуство, магистер по економски науки на тема: „Е-бизнис комуникација – движечка сила во бизнисот на 21-от век“.

За сите учесници на семинарот ќе биде обезбедено:
- работен материјал;
- закуска и освежување;
- сертификат за присуство на семинарот;
- прирачник.

Сите заинтересирани за учество на семинарот можат да се пријават најдоцна до 15.12.2017 година.