Регионалната мрежа на комори им обезбедува на своите фирми членки помош за влез и развој на одредени пазари. Ова е единствена понуда која во стварноста бара од коморите да направи промени во политиката и стратешкото ниво, на начин на кој ќе ги надгради своите способности. Во рамките на регионалниот Проект за развој на приватниот сектор, финансиран од Владата на Холандија, СПАРК дава подршка на бројни комори во регионот на Западен Балкан. СПАРК има намера да ја прошири својата помош на коморите со вклучување на подршка за имплементирањето на ЦЕФТА.

Целта на оваа работилница е да се дефинира улогата, стратешкото мислење и другите потреби на коморите во промовирање на регионалната трговија и на имплементацијата на ЦЕФТА. Работилницата е усмерена за потребите  на коморите од Регионот (Албанија, Босна и Херцеговина, Хрватска, Македонија, Молдова, Косово, Црна Гора и Србија) како и за компаниите. Настанот ќе се гради врз основа на заклучоците од АБК Регионалната Конференција која се одржа во Будва, во ноември 2007 година, и ќе се фокусира на одговорностите кои треба да бидат прифатени од Коморите, во насока на воведување на дополнителни услуги за своите членки.

Работилницата ќе се фокусира на 3 основни активности:
         - дефинирање на улогата и стратегиското мислење на стопанските комори во промоција на регионалната трговија и имплементацијата на ЦЕФТА (коморите ќе разговараат за за нивната улога во промовирање на регионалната трговија и помошта која ја нудат на нивните членки во согледување на потенцијалните бенефити од ЦЕФТА, која е коморската улога визави другите актери како Владите, агенциите за промовирање на инвестиции, или приватните бизнис асоцијации)
         - дефинирање на потребите на коморите во реализација на нивната улога во промоција на регионалната трговија и имплементација
         - промовирање на регионалната соработка меѓу стопанските комори и страните вклучени во ЦЕФТА

Очекувани резултати од оваа работилница е зголемување на свесноста и одговорноста меѓу стопанските комори за можните улоги и стратегиски мислења кои се достапни во насока на промовирање на регионалната трговија и имплементацијата на ЦЕФТА, спогодби меѓу коморите за потребите и идните активности за изградба на нивниот капацитет во реализација на нивната улога за промовирање, вклучувајќи ја и потребата од подршка од надвор, како и зголемување на свесноста за вклучување во заеднички активности (демонстрирање на заеднички идеи, планови однапред договорени меѓу учесниците).  целосниот документ погледнете го тука

ЦЕФТА - одлична можност за зголемување на трговската размена
Централно европскиот договор за слободна трговија функционира одлично и покрај политичките проблеми. Во либерализацијата на економијата вистинско достигнување има меѓу земјите членки.
Во текот на кризата регионалната трговија не трпеше многу и може да се каже дека регионалната трговија беше многу по витална.
Треба  да се отстранат бариерите за трговија во ЦЕФТА земјите. Административните пречки, сложени, скапи и долги инспекциски процедури, заштитни мерки за увоз се само дел од проблемите. >>>